ഉണ്ണിക്കണ്ണൻ
കണിക്കൊന്നയും മന്താരവും പൂത്തതല്ലോ നിനക്കായ്
ചെറു ചിരിയിൽ തേൻ തൂകി വന്നിടുമോ എൻ അരികിൽ
കാർവർണം നിറഞ്ഞ നിൻ മെയ്യോ നയന മനോഹരമോ
വേണു തൻ പല്ലവി രാഗാദ്രമായെൻ
ചിത്തത്തിലൊഴുകി ലയിച്ചു
അമ്മതൻ വാത്സല്യം ഏറെയായി തീരവേ
കുസൃതികളെമവേ ചെയ്തു
ഉരലുമായി ഓടിയും ത്രിലോകം പുല്കിയും
അമ്മതൻ മുത്തായി നീയും
ഗോവർധനമതു കൈകളിലേന്തി
നാടിനു രക്ഷ നീ യേകി
കാളിയമർദ്ദനമല്ലോ നിനക്കേകി
വീരാളി പട്ടു എൻ കണ്ണാ
കൂരൂരമ്മയോടന്നു നീ ചേര്ന്ന്
സ്നേഹ കടലത്തിൽ മുങ്ങി
രാധികമാർ കൊഞ്ചുന്ന വാക്കുകൾ
കണ്ണൻറെ തിരുനാമമല്ലോ
ആലിലയിൽ നീ ശയിക്കുമ്പോൾ കണ്ണാ
ഇലയായ് മാറുവാൻ മോഹം
കണിക്കൊന്ന കണ്ടു നീ ആനന്ദ മൂറുമ്പോൾ
ചേർന്നിരിക്കാനെനിക്കാശ
ഇനിയെന്തു ചെയ്യേണ്ടു ഞാൻ എൻ കണ്ണാ
നിന്നെ പുല്കുവാനായി
വെണ്ണ കള്ളനെ ഓർത്തോർത്തിരുന്നെന്
ജന്മമേ സഫലമിന്നാകു
No comments:
Post a Comment